Seynt Ysodre seyþ yn hys wrytyng,
'Alle þo þat delyte to se swyche þyng,
Line 4672
Or hors or harneys lenyþ þar-tyl; [O. gloss 'to.']
Ȝyt haue þey gylt of here peryl.'
Ȝyf prest or clerk lene vestëment [Harl. vestment.]
Þat halwed ys þurgh sacrament;
Line 4676
More þan ouþer þey are to blame,
Of sacrylege þey haue þe fame:
Famë, for þey falle yn plyght, [folio 31b:2]
Þey shuld be chastysed [chastyed.] þerfor with ryȝt.
Daunces, karols, somour games,
Line 4681
Of many swych come many shames;
whan þou stodyst [stodyyst.] to makë þyse,
Þou art slogh yn Goddys seruyse;
Line 4684
And þat synnen yn swych þurgh þe,
For hem þou shalt a-couped be.
what seye ȝe by euery mynstral,
Þat yn swyche þynges delyte hem alle?
Here doyng ys ful perylous,
Line 4689
Hyt loueth noþer God ne goddys house;
Hem were leuer here of a daunce,
Of host, and of olypraunce,
Line 4692
Þan any gode of God of heuene,
Or ouþer wysdom þat were to neuene.
Yn foly ys allë þat þey gete,
here cloth, here drynkë, and here mete.
And, for swych þyng, telle y shal,
Line 4697
what byfyl onys of a mynstral:
Seynt Gregorye telleþ yn hys spell
how hyt of a mynstral fell.
Line 4700
[The Tale of the Minstrel who was kild for disturbing a Bishop.]
A mynstralle, a gulardous,
Come onys to a bysshopes hous [A tale]
