Aȝens þe state of holy cherche.
Line 4636
hyt ys forbode hym, yn þe decre,
Myrácles for to make or se;
For, myrácles ȝyf þou bygynne,
Hyt ys a gaderyng, [O, gaderynt, H.] a syght of synne,
Line 4640
He may yn þe cherche, þurgh þys resun, [folio 31b]
Pley þe resurreccyun,—
Þat ys to seyë, how God ros,
God and man yn myȝt and los,—
Line 4644
To make men be yn beleuë gode
Þat he ros with flesshe and blode;
And he may pleye, withoutyn plyght
howe God was bore yn ȝolë nyght,
Line 4648
To make men to beleue stedfastly
Þat he lyght yn þe vyrgyne Mary.
Ȝif þou do hyt yn weyys or greuys,
A syght of synne truly hyt semys.
Line 4652
Seynt Ysodre, [Isidre.] y take to wyttnes,
For he hyt seyþ, þat soþe hyt es;
þus hyt seyþ, yn hys boke,
Þey forsakë þat þey toke—
Line 4656
God and herë crystendam—
Þat make swyche pleyys to any man
As myrácles and [or.] bourdys,
Or tournamentys of grete prys.
Line 4660
þese are þe pompes þat þou forsoke,
Fryst [Fyrst.] whan þou þy crystendam toke.
At þe fonte, seyþ þe lewed man,
Line 4663
"y forsake þe, here, Satan,
And alle þy pompes and all thy werkys:"
Þys ys þy lore, aftyr þe clerkys.
haldyst þou forward, e, certys nay,
whan þou makyst swyche a-dray?
Line 4668
Aȝens God þou brekest cunnaunt, [cumnaunt.]
And seruyst ȝoure syre, Termagaunt.
