Delycyus metes to make hem strong;
Line 4600
And drynke þe wyne þat he were lyght,
wyþ glotonye to make hym wyght.
Ȝyt ys þere dame lecherye; [folio 31a:2]
Of here cumþ allë here maystrye.
Line 4604
Many tymes, for wymmen sake,
knyghteys tournamentys make;
And whan he wendyþ to þe tournament
She sendyþ hym sum pryuy present,
Line 4608
And byt hym do for hys lemman
Yn vasshelage [vasselage.] alle þat he kan;
So ys he bete þere, for here loue,
Þat he ne may sytte hys hors aboue,
Line 4612
Þat perauenture, yn alle hys lyue
Shal he neuer aftyr þryue.
loke now whedyr swyche tournours [tourneours.]
Mow be kallëd turmentours?
Line 4616
For, þey turmente alle with synne;
Þere tourment ys, þer shul þey ynne,
But þey leuë swyche myschaunce,
And for here synnë do penaunce.
Line 4620
Also y tellë by iustyng,
Þér-of cumþ myschefful þyng;
Alle ys þe toon with þe touþer,
As a shyppe þat ys turned with þe roþer.
And þese bourdys of þese squyers,
Line 4625
Also haue þey made for swyche maners
Of prydë, hatë, and enuye,
Sloghtnesse, [Sloghnes.] coueytyse, and glotonye:
lecherye makþ hem alle to bygynne;
Line 4629
Þese wymmen are partyners of þere synne.
A clerk of order þat haþ þe name,
Ȝyf he iuste, he ys to blame,
Line 4632
Hyt were wurþy þat had þe gre,
Brokyn þe armë, legge, [or lege.] or thee;
hyt ys forsoþe, ȝyf he so werche,
