whan no man chargeþ ȝow þar tyl:
Line 4568
So come to heuene, hyt may nat be,
For, God hadde hyt neuer so fre.
[Against Tournaments.]
Of tournamentys þat are forbede
yn holy cherchë, as men rede,
Line 4572
Of tournamentys y preue þerynne,
Seuene poyntës of dedly synne:
Fyrst, ys pryde, as þou wel wost,
Auauntëment, bobaunce, and bost;
Line 4576
Of ryche atyre ys here auaunce,
Prykyng here hors with olypraunce.
wete þou wel þer [þyr.] ys enuye
whan one seeþ anoþer do maystrye, [more maystrie.]
Line 4580
Oþer yn wurdys, oþer yn dedys;
Enuye moste of alle hem ledys.
Yre and wraþþe may þey nat late;
Line 4583
Ofte are tournamentys made for hate.
Ȝyf euery knyȝt louede oþer weyl,
Tournamentes shulde be neuer a deyl;
And certys þey falle yn sloghnes,
Line 4587
Þey loue hyt more þan God oþer [or.] messe;
And, þerof ys hyt no doute,
þey dyspende more gode þer [þyr.] aboute—
þat ys ȝeue allë [al.] to folye—
Þan to any dede of mercy.
Line 4592
And ȝyt may nat, on no wyse,
Be forgete dame coueytyse,
For she shal fonde, on allë [al.] wyse,
To wynnë hors, and harnyse.
Line 4596
And ȝyt shal he make sum robbery,
Or bygyle hys hoste þer he shal lye.
Glotonye also ys hem among,
