whan y wote my Iugëment?
And, þogh y myght lenger lyue,
No man myȝt hem me forȝyue;
Line 4500
Ȝyf y shulde haue any grace,
y shulde haue asked whan y had space;
But now y wote, ys al to late,
O poynt of my pyne to abate. [bate.]
Line 4504
My synnes are grete, and many one;
Forȝeuënes shal be ryght none."
Alle he tolde þys to þe kyng,
And asswyþe made hys endyng;
Line 4508
And ȝede to helle, and was forlore
For sloghnes, as y tolde byfore.
whan a man ys slogh, and wyl nat do
Þat holy cherche techyþ hym to, [vnto.]
Line 4512
Aȝens God he ys froward,
And yn hys synne he wexeþ hard;
Þan puttyþ þe fende yn hys þoght
Þat hys synne ys lytyl or noght;
Line 4516
And when tyme werë, mercy calle,
yn wanhope, he makeþ hym falle.
And alle ys þys for sloghþehede,
Line 4519
whan man betyme wyl haue no drede;
Þarefore seyþ þe kyng Salamon
"Beþ nat ydul, neuer none,"
For ȝoure gode dedys, ȝe shul hem fynde,
Oute of pyne þey wyl ȝow vnbynde.
Line 4524
he þat ys slogh yn euery gode dede,
what shal helpe [helpe hym.] whan he haþ nede?
Þe holyman spekþ of a synne [folio 30b:2]
Of sloghnes, þat men falle [are.] ynne;
Line 4528
Ȝyf þat any shuld oght weyl do,
hym loþyþ so gretly þarto
Þat he fondyþ on allë wyse
To do hyt on þe werst asyse.
Line 4532
Ȝyf he of Godys wurde oght here,
Þerof hym þynkeþ an hundred ȝere;
