Euer þey werë aȝens me.
But whan y sagh no better bote,
Y lay stylle boþe hand and fote;
Line 4464
whan þey had traueyled me so with yl,
A stoundë sate þey by me styl
And drogh furþ a mochë boke,—
Þe most þat y euer on gan loke:
Line 4468
So grete hyt was and so orryble,
þer-yn was more þan yn a byble;—
For alle þat y haue do wyþ synne,
Euery dele ys wryte þerynne,
Line 4472
And euery wurde with sorow and pyne
Þey made me redë, maugre myne;
Þe lestë wurde þat euer y þoght,
Þat vnto synne a-mountede oght,
Line 4476
was yn þat boke ful þykly dreuyn,
was none forȝetyn ne forȝeuyn;
And alle y redde, boþe lesse and more;
Þat was þe pyne þat pyned me sore.
Line 4480
whan hyt was redd euerydeyl,
Þe boke was shet, and leyd vp weyl.
Þey ȝaue to me syþen alle here entent,
For to here wylle, y am alle went.
Line 4484
Twey brennyng knyuys þey oute drogh,
And seyd, "Do we oure dedë nowe;
Do we swyþe, and noght we dwelle,
And hast we vs wyþ hym to helle."
Line 4488
Þe toon þurgh myn hedë smote [folio 38b]
wyþ þe knyfe þat was so hote;
Þe toþer smote me yn-to þe fete
Þat almost to-gedyr þe strokës mete;
Line 4492
But whan þey are to gedyr y-come,
And haue my [myn.] herte betwyxe hem nome,
Þan shal y dey, and hennë [O, hen H.] wende
with þese to helle with-outyn ende.
Line 4496
wharto shuld y þan [þan shulde y.] me repente
