Þe kyng come, hym to vysyte,
Line 4388
And bad hym be of répentaunce,
And shryue hys synne for allë chaunce;
"Forsake now," he seyde, "alle þy [O, þe H.] mys|dede,
And y shal fynde þe at þy nede."
Line 4392
He seyde, "so shall y aftyrwarde;
Ȝyf y may skape þys euyl harde,
Þan shal y do oueral ryght,
And ȝeue me al to God almyght; [of myght.]
Line 4396
But ȝyt wyl y do hyt yn respyte
Tyl y be of þys euyl alle quyte;
Y wul [wlde.] nat be founde so vyl
Þat myn herte were yn swyche peryl
Line 4400
To repente me for a lytyl syknes,
But ȝyf y were yn harder stres.
Ȝyf y, for dredë, aske a preste,
Þat shame shulde al day [al day shulde.] be me neste
Line 4404
Þat y were a-ferd of þe ded.
Y wyl nat ȝyt do at þy rede;
But lefë syre, latyþ me lye;
Alle þat ȝe seye, me þynkeþ folye."
Line 4408
Þe kyng lettyd þarforë noȝt;
To leue hys synne, efte he hym besoght,
For he helde hym of gretë prys
For þat he was boþe doghty and wys.
Line 4412
And þys ys a custummable þyng [folio 30a]
Now, wyþ euëry lordyng, [lordynge.]
Þat, ȝyf his stuwarde hym oght wynne,
Be hyt wyþ ryght, or wyþ synne,
Line 4416
Hym wyl he holdë most pryue
Of allë þo þat wyþ hym be.
But as he takeþ þerof þe frame,
He shal haue parte of synne and shame.
þe kyng come eft to þe seriaunt,
Line 4421
And bad hym to be répentaunt,
And þenk on hys saluacyun,
And shryue hys synne þat he had doun.
