And wyl nat shryue ȝow of ȝoure yl.
Line 4356
ȝe wenë þat God shal ȝow ȝeue,
Yn wykkednes, long to leue;
And ȝe here seyë þat sum whyle,
Yn swychë hope goþ mochë gyle.
Line 4360
A lytyl tale y shal ȝow [O. omits 'ȝow.'] vndo
Of a man þat hoped so,
As tellyþ þe holy man, seynt Bede,
Yn gestys of Ingland þat men rede.
Line 4364
[The Tale of the English Squire who put off his Repentance till too late.]
Þyr was a kyng, 'Conred' [coured O.] he hyght, [Atale.]
Þe Mercë was hys kyngdom ryȝt;
þe Merce hyght þan, as y herd seye,
Þat men kalle now Lyndëseye.
Line 4368
Þys Conred [coured O.] had a seriaunt,
A wys man, and of body vaylaunt;
yn armys was [was he.] a doghty squyere,
yn alle þe lande ne was hys pere.
Line 4372
Of a vyce, he hadde sum deyl,
Þat no man myght trowe him weyl;
where þat he myght make a wanlace, [folio 29b:2]
And any þyng to þe kyng purchace,
Line 4376
He ne lette for no fals oth,
Ne for wraþþe of lefe ne [no.] loth,
Þat he ne made ofte dysheresun,
And holy cherche traueylede with tresun.
For wrong ne lefte he nyȝt ne day,
But onely [onely þat.] he serued þe kyng to pay;
He ne ȝaf tale of shame ne synne,
Line 4383
But þat onely he myght rycchesse wynne.
Þyr fyl on hym a syknes [a syknes on hym.] so stronge
Þat he lay yn hys beddë long.
Sone aftyr betydde a lyte
Line 4387
