Þan who so kallyþ a blak oxe 'swan.'
Line 4320
y dar weyl seye to hygh and logh,
yn Goddys seruyse are swych men slogh.
Swych synne men kalle 'accyde,'
yn Goddës seruyse slogh betyde.
Line 4324
lord! what shal swych men seye
yn þat poynt when þey shul deye?
yn alle here lyfe ne roght [reyghete.] þey noght
Of hym þat hem ful derë boght.
Line 4328
Ful gretly shul þey hem repente
whan þe dome ys aȝens hem went;
But þan mow þey do no bote;
Ylyche logh lyþ boþe hande and fote.
Line 4332
Many swyche mow haue no grace
To repentaunce, no to space.
Line 4334
Hyt ys no wundyr þogh þey haue noun,
Þey wyl nat graunte þey haue mysdoun,
Yn here lyfe, whyle þey haue myght; [folio 29b]
And þan shal God ȝelde alle with ryght.
Ful slogh þey were when þey shuld wyrk;
Yn tyme of traueyle were þey yrk [[slow]] ;
Line 4340
Þéy þoght nat of þat men spelle,
Þat God seyþ yn þe gospelle:
"Beþ wakyng," he seyþ, to men alle;
"what tymë þat ȝoure lorde wyl kalle,
Line 4344
For þat tyme þat ȝe lestë wene
He wul ȝow kalle; loke ȝe be clene;
For ȝyf ȝe slepe at hys kallyng
Ȝe shul nat come yn at þe weddyng."
Line 4348
Þys yche lorde kalleþ vs euery day,
wyþ þe prechour, alle þat he may.
Ȝe are slogh, and lyen to slepe,
whan ȝe aȝens þe prechur þrepe;
Line 4352
Ȝe mow nat come yn to þe weddyng,—
Heuene blys ys þe menyng;—
For ȝe slepe yn wykked wyl,
