Specyaly on þe Sunday
he trespasyþ more [þe more.] yn þe lay.
yn þe woke, o day, þurgh ryght,
Þe Sunday, ys a day of myȝt.
Line 4252
how sey þese men þat are þus slogh, [so slowe.]
Þat oute of mesure slepe a throwe?
whan he heryþ a bel ryng, [belle rynge.]
To holy cherchë men kallyng,
Line 4256
Þan may he nat hys beddë lete
But þan behoueþ hym to lygge and swete,
And take þe mery mornyng slepe;
Of matynes ryche men take no kepe
Line 4260
Ȝyf þey mowe ryse [aryse.] at tyme of messe. [folio 29a]
For þe matynes, noþer more ne lesse
Þan ys þys Terlyncels skylle,
'Slepe þou long, and y shal hele.'
Line 4264
he putteþ heuenys yn hys yȝe,
And makeþ hym lenger for to lye;
And seyþ "al betyme mayst þou ryse,
whan þey do þe messe seruyse;
Line 4268
A messe ys ynogh for þe;
Þe touþer gyblot, late hyt be;
here mayst þou bettyr slepe a throwe
þan sytte and loke vpp-on a wowe."
Line 4272
Þys ys þe cunsel of Terlyncel;
yn alle sloghnesse [slownes.] he bereþ þe bel;
he ys a deuyl of þat myster,
To sloghnes [slownes.] he ys cunseler.
Line 4276
þan cumþ one aboutë pryme
"Rys up," he seyþ, "now ys tyme."
Þan begynneþ he to klawe and to [O. omits 'to.'] raske,
And ȝyueþ Terlyncel hys taske.
Line 4280
he klawyþ, he shrubbyþ, wel at hys pay,
And makyþ to Terlyncel a lay;
To hym þat kalled, he spekeþ stoutly,
Line 4283
"what deuyl! why haþ þe prest swych hy?
