with feyrë wurdys, and felun herte;
Line 4216
1 Bakbytere, he haþ a lak,
He ys a treytur behynd þy bak;1 [1_1 Harl. omits these two lines.]
Þe toon ys treytur yn þy present,
Þe toþer ys whan þou arte [art.] went.
Line 4220
A lyer may be on of þyse,
For he haþ of boþe a queyntyse,
Behynde þy bak, and eke before, [folio 28b:2]
lesyng oueralle [oueral.] ys bore,
Line 4224
Yn þese þre men ys al tresun;
Þarfor hyt ys preued with resun
Þat þesë men, allë þre,
Mowe neuer lyghtly saued be.
Line 4228
Þe apostle seyþ þat God hem hatys,
Ande ouer al ouþer wyþ hem wlatys. [ys wrothe]
Þarefore ȝyf any swyche men wore,
hyt behoueþ betyme repente hem sore;
Line 4232
And leue hyt [hyt al.] whyl þey hauë space,
For þan y hope þey may fynde grace.
God ȝeue vs grace enuye to fle!
And alle treyturs, euyl mote þey þe!
Line 4236
[Of Sloth, the 4th Deadly Sin.]
Now shul we speke of sloghnes;
Among þe toþer ful wyk hyt ys; [es.]
Þe fourþe [vourþe.] hyt ys of dedly synnes,
Alle þese rychë men hyt wynnes.
Line 4240
Moche ys a man for to blame
Þat kan nat wurschep Goddys name
with pater noster ne [no.] wyþ crede,
Þys beleue shuld hym to heuene lede.
Line 4244
Ful slogh he ys þat wyl nat lere
Þat yche framë blessed preyere;
And also he ys ful of slownes
Þat may, and wyl nat, here hys messe,
Line 4248
