Þat dampned ys wyþ Satanas,
Line 4184
whan þys Iudas, foule felun,
weytede Ihesu with tresun.
Fyrst he grete hym and gan lagh,
And syþen he kest hym [seþen hym keste.] þat alle men sagh,
Line 4188
And yn hys herte was tresun bolde,
For to þe Iewës he had hym solde.
'Treytur! recorde what þou hast herde
Seyde and sunge yn al þe werlde.'
Line 4192
Vndyr heuene ne ys so moche tresun
As yn feyre wurd of hert felun.
Þarfor, treytur, y tolde þe er,
Þy wonyng ys wyþ Lucyfer.
Line 4196
Þyr may no man so yware be,—
For fors, ne wysdom, ne pouste,
For byhest, [beheste.] ne for rychesse,
Ne powere, ne hardynesse, [O, hardnesse H.]
Line 4200
For lynage, ne for onour,
For felawshepe, ne for socour,
Ne for breþerhede, ne for spousayle,—
Þat treytorhede ne wyl hym asayle;
Line 4204
Ne for sweryng, ne for awe,
Þat a treytur ne haþ yn þys sum sawe.
who was wyser þan Salamon?
who was feyrer þan Absolon?
Line 4208
who was rycher yn euery þyng
Þan Alaxandre þe ryche kyng?
who was swetter þan Ionatas,
Or better clerk þan Vyrgyle was?
Line 4212
Alle þese coude hem neuer were [kepe]
From treytur ne fro bakbytere.
Of a treytur, þys ys þe resun smerte,
