lecherye ys flesshly synne;
Enuye cumþ of þe soule wyþ-ynne;
lechery ys þe lesse, we fynde,
And enuye ys þe more vnkynde;
Line 4156
For y se noun yn hys lyue
Þat of enuye kan hym shryue;
Þogh euery day a man hyt haunte,
Ȝyt wyl no man be hyt a-graunte.
Line 4160
Telle to any þat he haþ enuye,
He seyþ aȝen "hyt ys a lye." [O. gloss 'lesynge.']
how mow þéy þan shryue þat synne,
Þat seyn þey haue no gylt þerynne?
Line 4164
we Englys men þeron shulde þynke,
Þat enuyë vs nat blynk. [noght blynke.]
Bakbytyng cumþ also of enuye;
y haue ȝow tolde of þat folye;
Line 4168
lykenes of hem men mowe bere,
A nedder and a bakbytere;
Þe nedder makeþ þe semblant mylde,
And yn hys tayle ys venym wylde;
Line 4172
Þe bakbytere faryþ ryȝt so:
wyþ mylde semblant he spekth þe to,
And yn hys tayle he beryþ venym;
Behynde þy bak, he spekyþ wurdys grym.
Þe wys kyng Salamon
Line 4177
Seyþ þese wurdys to men echon:—
"hys lyppes," he seyþ, "he shal make swete,
wyþ feyrë wurdys he shal þe grete,
Line 4180
But yn hys hertë he shal þynke
For to do þe a wykked blynke."
So ded þe traytur, fals Iudas, [folio 28b]
