And aftyr hys berë faste behelde.
At þe laste, hys bere he fonde,
Besyde hys shepe, slayn on a londe.
Line 4096
Asswyþë hym self gan to rede
who hadde do þat ychë dede;
Ȝyt pleyned he more þe myschaunce
Þat þer shulde falle on hem veniaunce,
Þan [Þat H, O.] he pleyned hys ownë dere
Line 4101
Þat þey had slayn his godë bere.
Noþeles he pleyned wundyrly sore
Þat hys solas shulde be no more.
Line 4104
Eutycyus þe abbot, his felawe,
herd sey hys bere was do adawe;
And come to hym on hys dysport, [folio 28a]
To makë Florens gode cumfort.
Line 4108
Florens seyd Eutycyus vn-to,
"Yn God truly y tryst so,
Þat veniaunce shal on hem take
Yn þys lyfë for my sake.
Line 4112
Of Ihesu Cryst þey hade no [MS. non, with dots under n.] drede,
To sle þat hylpe me yn my nede,
Felunlyche, as [al.] for enuye,
And he ded no man folye;
Line 4116
He was me sent, þurgh Goddys grace,
To be myn helpe and my solace;
Þat God wuldë hym [dotted under in red ink.] me ȝeue,
why wuld þey nat suffre hym lyue?
Line 4120
God almyȝty shal do hys wyl
wyþ hem, and mo, þat do [doun.] so yl."
As he seyde, so gan hyt falle;
Gode toke veniaunce on hem alle;
Line 4124
Meseles þey waxë þan to pyne,
Here lemes roted before here yne;
Aboue þe erþe þey were stynkyng,
