Al ys þys enuyë grete;
Ȝyf þou haue do þus, y rede þe [þou.] lete.
Line 3960
Ȝyf þou here preyse one for sum þyng,
And þou forþenkyst hys preysyng,
And felyst weyl yn þy [þyn.] herte
Of a lytyl sorow or smerte,
Line 3964
Þat þou ne art preysed furþer þan he,
Enuye hyt ys, þou mayst wel se.
Many one are of so enuyus wyl
Þat þey may preyse none but with yl;
Line 3968
Alle þenkeþ hym euyl þat þey se,
Þey are enuyus, what-so [as.] -euer þey be.
Enuyus man ys so ful of susspecyun
Þat euyl hym þenketh al, as a felun.
Line 3972
who-so kan knowe þe properte,
Enuyus man may lyknyd be
To þe Iawnes, þe whyche ys a pyne
þat men mow se yn mennys yne.
Line 3976
þe ye þat ys ful of Iawnes, [Iawnys.]
Alle þenkeþ hym ȝelogh yn hys auys:
So hyt fareþ on hys party,
Hys þoght ys euer ful [al.] of enuye.
Line 3980
Enuyus men, euyl þey sowe;
Þát men telle hem, to euyl þey trowe;
Ȝyf þey se þat one doþ more,
Enuyús þan angreþ sore;
Line 3984
Alle godenes þey turne to euyl;
Enuyus men are lyke þe deuyl.
Of alle þat yn þys worldë are,
Enuyús man [Þe enuyus.] werst shal [shul.] fare.
Line 3988
Gladnes herë haue þey none,
But whan here neghburs haue mysgone.
Yn any maner defaute þat ys, [es.]
þan make þey ioye for þat wykkednes.
Line 3992
Yn þe toþer worlde þer þey shul be, [folio 27a:2]
Þey are nat wurþy any ioye to se.
Here and þere þey shul haue greuaunce,
