Go we nowe to þe cherchë boþe,
Line 3860
yn gode loue, and parfyte charyte,
For hys sake þat ordeyned pes to be."
Þe knyȝt was glad, and no ferly, [wndyr]
And so were al þat cumpanye,
Line 3864
Þat he forȝaue hym hys mysdede,
And to þe cherchë [cherche þat.] boþe þey ȝede.
Byfore þe cros þ[e]y knelyd downe
yn þe [O. om. 'þe.'] wurschyp of Ihesu [Ihesus.] passyowne,
Line 3868
For to kesse þe cros þat day,
As custume ys yn crystyn lay.
Þe elder knyȝt, for honoure,
Ȝede fyrst, and kyst hys creäture; [creatour.]
Line 3872
Aftyr þan, ȝedë þe chylde,
Þat was becomë meke and mylde;
wyþ þe tokene he gan hym blesse,
And kneled down, þe cros to kesse.
Line 3876
Þe crucyfyx, þat þere was leyd,
hys armës [arme.] fro þe cros vpbreyd,
And clepd [clypte.] þe chyldë hym betwyx, [folio 26b]
And aftyrward kyst [aftyr keste.] hym, þat crucyfyx.
Alle þe parshe, boþe olde and ȝonge, [ȝynge.]
Parseyued, and say, [sagh.] þat clyppynge,
And how þe crucyfyx hym kyste;
Þey sagh hyt alle, and weyl hyt wyste.
Alle þey þanked swete Ihesu
Line 3885
Of þat myrácle and þat vertu.
Of þys chylde was grete selkouþe
Þat þe crycyfyx kyst wyþ mouthe.
Line 3888
Noþeles, forsoþe and ywys,
Y trowe þat yn hys herte were moche blys;
And al þe folke þat sagh þys þyng
Made to God grete þankyng.
Line 3892
Of þese twey knyȝtës, how hyt betyd,
Þe myracle was sone oueral [sone oueral was.] kyd;
