Ȝyf þou art wunt custummably
For to curse for lytyl why,
Þy tunge bereþ þerof wytnesse
Þat men nowe weyl wraþ yn þe gesse.
Line 3760
Ȝyf a man curse as yn game,
And yn hys herte wyl hym no shame,
he ne synneþ nat þan dedly,
For hyt ys seyd al yn rybaudy.
Line 3764
Þys synne ys nat dampnable [folio 25b:2]
But hyt be seyd custummable.
Þou shal vndyrstand and wete,
with resun, mayst þou [þou mayst.] þe wraþþe and flyte [chyde]
Aȝens vyleynye and synne,
Line 3769
ȝyf þou ne mayst do oþer bote þerynne;
wraþþe þe with mannys vyleynye,
But nat [Harl. with nat.] with his gode ne [Harl. and.] hys body.
Line 3772
Þat God loueþ, þou shalt loue,
here yn erþe, and yn heuene aboue.
Þat God neuer louyd, þou shalt [þat shalt þou.] hate,
wraþþe, and oþer synne foolate. [forlate.]
Line 3776
God louyþ euery creäture
Þat he formed to hys fygure;
But þe synnë þat ys wroght,
Þat loued he neuer noght.
Line 3780
Loue euery man yn hys gode dede;
hys wykkednes shalt þou hate & drede.
þou mayst spekë wurdys smerte
Þogh wraþþë be nat yn þyn herte;
Line 3784
Þou mayst be wroþe, sum body to chastyse,
Þogh hate nat [noght.] yn þy [þyn.] hertë ryse;
And ȝyf þou hate and sone forȝyuyst,
with God hymself þan þou lyuyst;
Line 3788
For God loueþ no þyng more specyaly
Þan for hys loue to haue mercy.
For he commaundeþ yn þe gospel
Þat man shuld forȝeue wraþ eche del,
Line 3792
