Yre haþ kast þe yn þys kas
Anoþer grece to hellë pas.
Line 3724
Ȝyf þou for yre bygynne wykkednes
Þat no man may lette þe, [þe lette.] ne stres,
Þat yche yre ys wyþ pryde, [folio 25b]
Ȝyf þou for wraþþe wylt nat abyde.
Line 3728
Ȝyf þou yn yre a man hate,
And þat wraþþë wylt nat late,
Greuusly þou art yn synne,
But þou forȝeue, and þer-of blynne.
Line 3732
Þe holy man seyþ hardly, [hardyly.]
Þat þou hast slayn hym gostly.
Ȝyf þy wraþþe þou wylt not [nat.] blynne, [O. gloss 'leue.']
But bryngest anoþer to þy synne,
Line 3736
Þou shalt haue chargë of [for.] þo boþe,
For þurgh ȝoure wraþþe are oþer wroþe;
For þy defaute þan synneþ he,
Þe morë perel þyn shal be.
Line 3740
Ȝyf þou ȝaue euer cunsel or rede
For yre, þat a man were dede;
Or ȝyf þou yn any strut,
For Ire wundedyst a man, or [and.] hurt,
Line 3744
yn þys synnë ys outrage,
To helle þou makyst þy vyage.
Þus þan wrote þe holy man
At wham [whom.] þys wurdë lerne y gan.
Line 3748
Ȝyf þou for yre a man slogh
Þat myghtyst haue lefte [left hyt.] weyl ynogh,—
Þat hyt was nat þe defendyng,
But for wraþþe and yre brennyng,—
Line 3752
Al þat euer God shope to be
Shal come and fyȝt aȝens þe
At þe day of iugëment,
And aȝens alle þou shalt be shent.
Line 3756
