Swych peyne [peyne O, om. H.] ys for hem dyȝt
Þat kunne nat kepe here tungë ryȝt.
Line 3620
yn þe byble men mow se,
yn a boke of pryuyte,
Apocalyps þese clerkys wote,
Line 3623
Seynt Ioun þe euangylyst hyt wrote;
Oure lordë seyþ þat þey shal [shul.] ete
here tunges in peynes, [peyne.] and al to-frete,
Þese lyers and þese bakbyters;
Þe talë, of þys, wytnes berys.
Line 3628
Of þys synne, y rede we vs shryue,
And take oure penaunce by oure lyue;
For but we yn þys so do,
harder peyne shul we go to.
Line 3632
with what lyme [lyme O, lyne H.] þon dost most synne,
yn þat shalt þou have most pyne ynne.
ȝyf þou euer wyþ bakbytyng
ȝaue cunsel to wykked þyng,
Line 3636
Þat ys a wundyr grete foly;
Hyt may be prydë with enuye;
who-so-euer haunteþ þat yche dede,
Hym shal fayle cunsel at hys nede.
Line 3640
And swyche are preued with resun,
wykked treytours ful of tresun.
ȝyue gode cunsel, ȝyf þat þou kan,
And auowe hyt, byfore god and man.
Line 3644
Pryde haþ ȝyt anoþer tresun,
And a [an.] vnkyndhede as a felun;
Þat now ys vnneþë none
Þat yn þat synne ne ys mys gone.
Line 3648
Ȝyf any shewe to oþer a pryuyte
Þat for cunseyl oght to be,
ȝyf he þat cunseyl fyrþer fame, [folio 25a]
Þat þerof cumþ [come.] boþe synne and shame,
Y kan nat se, as yn þys kas,
Line 3653
How hé may ámende þys [þat.] trespas;
