Morë pryde, no [ne.] morë synne,
Þan skornë god, mayst þou falle ynne.
Ȝyf þou grucchedest, and seydyst noght,
But to God haddyst euyl þoght,
Line 3488
wete þou wel, hyt ys grete pryde,
Grucchyng with God, or [O. om. 'or.'] for to chyde.
Ȝyf a man haue mysdo or seyde,
And men hym blame for þat mysbreyde,
Ȝyf he susteynë hys mysdede,
Line 3493
And hys mysawe [myssawe.] wyl nat drede,
Þat cumþ of mysprout herte and hy
Þat wyl nat knowe hys owne foly.
Line 3496
Of al [alle.] folyys þat beryn name,
Þys foly ys moste for to blame;
who-so-euer to þys ys custummable, [folio 24a]
hys amendment may neuer be stable.
Line 3500
what sey men of þese loseniours
Þat haue here wurdys feyre as flours?
Now ys þe flourë whyte and rede,
And now hyt ys boþe drye and dede.
Line 3504
Þe losenioure spekþ now þy pay,
And behynde þy bak hyt ys away.
þere one haþ smylyng semelaunt
And behetyþ þe to holde cunnaunt, [cuuinaunt.]
Line 3508
kepe þe þan fro losengrye,
For feyre spekyng man kan weyl lye.
who-so-euer ys custummable to banne
For prydë, sum tymë or whanne,
Line 3512
Þe apostyl seyþ þat he may noght
Vn-to þe blysse of heuene be broght.
A-noþer spyce hyt ys of pryde,
who so haunteþ for to chyde.
Line 3516
For holy cherche forbedeþ þe
To chyde wyþ any of þy meynë.
Teche hym ferst, yn feyre manere;
