For þey haue on hem [here.] feyre atyre:
Line 3452
But she wul to þe prest þat telle,
She may þerforë go to helle;
For yn as moche þat [as.] she douþ men synne,
yn so moche shal she haue plyght ynne.
And, wymmen, y [haue y.] seye of þo
Line 3457
Þat borwe cloþes yn carol to go; [yn to karol go.]
Þat porë prydë, god hyt loþes,
Þat make hem proude of ouþer mennys cloþys.
Ȝyf þou hast spokë wurdys of pryde, [folio 23b:2]
And lettyst ouþer men any tyde
Of here bedys and [or.] of here fastyng,
Or of any [sum.] ouþer holy þyng,
Line 3464
Or of any ouþer godë dede,
to telle hyt þe [þy.] prest, behoueþ þe nede.
Ȝyf þou euer lettë began
Þat was wurshep to god or man,
Line 3468
As yn cherche to synge or rede,
Or of sum oþer holy dede;
Or also for boste or for pryde,
with prest or with clerk to chyde,
Line 3472
Þurgh þat pryde þou fallyst [falst.] yn synne,
And cursednes þerwith to wynne.
Also þat clerk ys moche to blame
Þat letteþ to shaue hys krowne for shame;
Y rede þat he yn tyme [yn tyme þat he.] hyt shaue,
Line 3477
For he wote neuer what nede he shal þerto haue.
Ȝyf þou yn ernest, or yn game,
yn scornë blessedyst Goddys name;
Line 3480
Or ȝyf þou were so wundyrly proude
Þat þou mysseydyst God al aloude,
For any chaunce þat may betyde
Skorne nat God, ne wyþ hym chyde:
Line 3484
