Yn a foule prydë þan þou fallys;
Line 3424
For y se many þat nowe þey bygge,
And now sonë, dede þey lygge.
y sey for þo þat haue grete pryde
yn hygh hallys and yn wyde.
Line 3428
Ȝyf þou delyte þe yn ryche beddyng,
yn hors, yn harneys, or yn feyre rydyng,
Alle ys pryde and vanyte;
Of al shalt þou a-couped be.
Line 3432
Y seyd langere, yn gode cunnaunt, [couenaunt.]
Euery man may haue to hys auenaunt,
Cytes, tounnes, castellys, and hallys,
hors, armour, and þat þar to fallys;
Line 3436
But, yn al þat mochë þrong,
Do holy cherche, ne pore man, [men.] wrong.
what sey ȝe men of ladyys pryde
Þat gonë traylyng ouer syde: [O. gloss 'longe.']
Line 3440
Ȝyf a lady were ryghtly shreue,
Better hyt were yn almës ȝeue;
To soulë helpe hyt myȝt do bote,
Þat trayleþ lowe vndyr þe [here.] fote.
Line 3444
wymples, kerchyues, saffrund betyde;
Ȝelugh vnder ȝelugh þey hyde;
Þan wete men neuer, wheþer ys wheþer,
þe ȝelugh wymple or þe leþer. [skyn]
Line 3448
wymmen þat go fro strete to strete,
One or ouþer for to mete,
Of prydë comþ swychë desyre,
