Þat þe kote a-cursed was,
Line 3388
And tokened wel sorowe and wrake,
Þat nonë [no.] pore man wulde hyt take
For prydë of þe newë gyse
Aȝens crystyn mennys wyse;
Line 3392
But þe clerk was wode al gate
To were a cloþe aȝens hys state.
here mow ȝe se þat god ys wroth
with hem þat dysgyse here cloþe.
Line 3396
And a clerk ys moche for to blame
Þat bryngyþ [brynth.] hym self yn foule fame,
Clerk ordeyned yn dignyte
Þat haunteþ swyche Iolyte;
Line 3400
Noþeles, of þe newë gyse
Þe deuyl haþ made hymself chefe iustyse;
And ȝyf he yn folye begynne to stoute,
Þan bereþ he þe deuylys baner aboute;
Mochë folk ys þerwyþ blent;
Line 3405
God do þerof amendment.
Ȝyf þou hauë grete desyre
To be clepyd lorde or syre,
Line 3408
For to glosë þe, and slyppe,
And to haue þe wurdys of wurschyp;
Or ȝe wymmen also, comunly,
wulde be kallede 'madame' or 'lady;'
Al þys comþ of gretë pryde;
Line 3413
yn þy shryfte þou noght hyt hyde.
he ys ryȝt lorde, þe kyng of heuene;
wrong hyt ys þat men any oþer neuene.
Ȝyf þou delyte þe yn grete meyne,
Line 3417
For men shulde hauë drede of þe,
And for þy meynë wuldyst [wst.] preysed be,
ȝyf harme to oþer þan do þat meyne,
Line 3420
Þou for þy meynë shalt dampned be
Ȝyf þou to euyl vowe þy meynë.
Ȝyf þou delyte þe yn grete hallys, [folio 23b]
