he dede to make, [do make hym.] yn þe somers tyde,
A kote perced queyntly with pryde;
And God was nat þer-of payd,
Line 3357
For yn hys pryde he was betrayd.
Þys knyȝt ȝede, vpp-on a day,
Aboute roberye, to gete hys pray;
Line 3360
Homward as he hys pray ledde
with hys enmys he was bestedde;
with fors þey gun with hym [hym to.] fyght,
And slogh þere þys ychë knyȝt.
Line 3364
Þe knyȝtys frendys herdë seye
how he was slayn by þe weye;
Ful feyre þan gun þey for hym [for hym þan gunne þey.] werche,
Þey byryed þe body feyre at þe cherche;
hys frendys departed hys katel
Line 3369
Among þe pore men, and þat was wel.
whan þey come at þe kote gysyng,
To dele hyt among hys ouþer þyng,
Line 3372
Before þe pore men hyt was broght;
Þe pore men seyd þey wulde hyt noȝt.
A clerk stodë þo þere be syde,
And, prayd for þe kote of pryde.
Line 3376
To werne hyt hym, þey þoght [hem þught.] loþe;
Þey toke and ȝaue þys clerk þe cloþe.
Þys clerk was glad whan he hyt hadde;
Þys kote asswyþe on hym [on hym asswyþe.] he cladde.
Line 3380
Se now here a grete myschaunce
Come ryȝt as for veniaunce:
Ryȝt as he was yn þe kote al dyght,
A fyre brennyng on hym gan lyght,
Line 3384
And brend hys body dounne to þe grounde
whylys oght of hym myȝt be founde. [folio 23a:2]
Þer shewed God weyl by þat kas
