For on my heuede [hede.] ouer feyre tyfure;
For when y shuld agher go or ryde,
y dyghte my heuede [hede.] ryȝt [ful.] moche with pryde
Line 3292
For to be presyd ouer alle ladyys,
And of prydë to bere þe prys,
And among knyȝtës yn halle
y wulde be holde feyrest of alle.
Line 3296
þer-for þys ychë peyne y drygh [suffre]
For y bare me yn pryde so hygh.
But warne my lordë, y pray þe,
hys pryde and bobaunce þat he late be;
But ȝyf he do, he shal be forlore,
Line 3301
Þat y warne hym weyl before;
For on one of þys dayys shul ȝe deye,
My lorde and þou: þe soþe y seye."
Line 3304
Ryght at þe termë, as [þat.] she seyde,
Þe knyȝt, and þat squyer, deyde.
By þat tokenyng wel men knew
Þat þe tale was ryȝt and trew.
Line 3308
Þerfor hyt ys gretë doute, [O. gloss 'drede.'] [folio 22b:2]
wymmen to tyfe here hedys aboute.
Ȝyf god haue lent þe [O, þe lent H.] handys and fete,
Armës, leggës, feyre and swete,—
Line 3312
Be nat ouer proude of þys,
Þey are nat þyne, but þey ben [beyn.] hys;
For ȝyf he wylle, he may hem þe [þe hem.] reue;
with-oute hys leue, [leue.] shal none beleue.
Despyse noun ouþer þat so haue noght,
Ne þoght [þogh.] þey be nat so feyre y-wroght;
For ȝyf þou doust, þou mayst hem tyne, [lese]
And for þat prydë go to pyne.
Line 3320
Ne dysgyse nat þy cloþyng
Ouer mesure, for þy preysyng.
