Þys ychë man graunted here noght,
For hyt ran weyl hym yn þoght
Line 3260
Þat shé was dede and leyd yn graue,
Þat hym of hys beddë wulde haue.
But wheþer he wulde or noght, wyþ wel [wele.] & wo,
She had hym vp with here to go.
Line 3264
Þus tolde he seþyn with moche drede;
Aȝens hys wylle with here he ȝede;
She ledde hym to a mochë felde,
So grete one neuer he behelde.
Line 3268
Þan stodë styl, þys lady,
And he by here ful dredfully.
As þey hadd stondë but a þrowe, [folio 22b]
Line 3271
Come furþ [foure.] deuylys þat fast gun blowe;
With hem þey broght a brennyng wheyl,
Þat on here hede was set eche deyl.
Þys whel þat was set on here heuede, [heuede O, hede H.]
Brende here alle, þat noght was leued.
Efte she ros, when she was brent,
Line 3277
And had þe samë turment,
And brende ryȝt as she dede before;
To se þat peyne hys herte was sore.
Line 3280
Ȝyt she ros þe samë wey;
For saule may neuer for peynë deye.
And efte þey set [sette.] hyt on here krowne,
And brende here al to asshen doune;
And euermore she leuyd aȝen,
Line 3285
For peynë myȝt she neuer be sleyn.
Þan askede he here, why þat hyt was
Þat she suffred swyche peyne. "alas, alas,"
She seyd, "y suffre þys mys-auenture
Line 3289
