As god had purueyd of hym.
Line 3164
he was so traueyled, shortly to sey, [seye.]
Þat he wyst weyl þat he shuld dey. [deye.]
whan he wyst þat, he made do calle
Boþe one and oþer, hys bryþryn alle,
Line 3168
"Byddyþ hem come byfore me here;
Þat may hem auayle, y shal hem lere." [O. gloss 'teche.']
Þey come rennyng, boþe lesse and more,
And wende haue herd sum holy lore.
Line 3172
And when þey werë come echone,
To hem he made of sorow hys mone:
"hyt may no lenger be forholne;
Falsly, wurschyp haue y stolne;
Line 3176
y am nat, breþren, as ȝe wene,
Of holy lyfe, as haþ be sene;
Þat y fasted when ȝe lete;
For twyys pryuyly y ȝete;
Line 3180
And whan ȝe wende y had be holy,
Y ete and drank ful lustyly.
To warnë ȝow, þus y telle,
For me ys come þe fende of helle.
Line 3184
wyþ hys tayle my knes he haþ knyȝt,
And wyþ hys hede my mouþ y-dyt. [stoppyd]
Alas þe tyme þat y was bore!
As an ypocryte y am forlore.
Line 3188
Ryȝt now shal he me strangle and cheke,
Ne shal y neuer aftyr speke."
Be-fore hem alle he deyde astyte [O. gloss 'anone.']
Þat ychë proud ypocryte.
Line 3192
Þys was shewed, hem for to warne,
And þat, God, no man shuld scorne. [shulde no man scarne, 'scorne' gloss.]
Ypocrysye, þys ys þe synne [folio 22a]
Feyre wyþ-oute, and foule [wykkede.] with-ynne.
Þys ychë synnë cumþ of pryde,
Line 3197
