At crystyn man to make scornyng;
Line 3132
Þus seyþ þe holy prophete Dauyþ,
And Neomas a prophete hym wyþ,
þat scorners, at þe hegh Iugement,
Of goddys mouþ þey shul be shent.
Ȝyf þou for prydë haue delyte
Line 3137
For to be holde an ypocryte,
To be preysed wel for þy gode dede,
And þat holylech þou canst þe lede,
Line 3140
Or to be preysed þat þou hast wroght
Þyng þat þou dedyst nowȝt,
wetë þou, [þou weyl.] syre ypocryte,
Of þe mede of god þan art þou quyte;
þat ychë preysyng ys þy mede
Line 3145
þat þou receyuest for þy gode dede.
Ful fellychë God to hem flytes, [chydeþ]
To þes fals[ë] ypocrytes;
Line 3148
And seyþ, "at þe ende shul men se
Þat ȝe begyle ȝou self, and nat me."
And herë y shal telle as tyte
Of a cursed ypocryte.
Line 3152
[The Tale of the Hypocritical Monk of the Abbey Tangabaton.]
[[Bk. IV, ch. xi, of St. Gregory's Dialogues: the place is Iconium, the monastery των Γαλατων, ton Galaton, then Tongalaton, Tangabaton. The story is in the Libro de los Exemplos (no. 395), but the abbey is not named.—G. Paris, Hist. Litt. de la France, xxviii. 197.]]
Seynt Gregory seyþ, as y shal sey, [A tale]
hyt was onës an abbey
Þe namë hyght 'tangabaton,'
And munkës þey were echon.
Line 3156
Of a munke ȝede þe wurde ful ryue, [ryf.] [folio 21b:1]
Þat he was of holy lyue;
But for þat he was nat so,
So holy as men tolde hym to,
Line 3160
Fals preysyng shal wykkedly wende,
As hyt ys wurþy, so shal hyt ende.
A seknes toke þe munke ful grym
