To day ys hegh, te morwe [to morne.] ys lowe.
Line 3100
And a lorde ful oftë latyþ,
Now he louyþ, and now [sone.] he hatyþ.
Ȝyf þou euer vndyrstode
Þat þy wyt, or þy gode,
Line 3104
Come of þy self, and nat of god,
Hyt [þat.] ys grete pryde and falsly troud.
Ȝyf god almyghty haue ȝeue þe
Many þewës þat with þe be,
Line 3108
werre nat aȝens þe commaundment
with þo ȝyftes þat god haþ þe lent;
Make nat þy saule so wykked a wem
To do wykkednes for pryde of hem.
Line 3112
Ȝyf þou þe auaunte of goddys ȝyfte,
Or worldly gode, or bodly [bodyly.] þryfte,
Or ȝyf þou be se mochë mad
Line 3115
To auaunte þe of þat þat þou neuer had,
Þys ys pryde and arrogaunce,
Vnwrþyly þe to auance.
Arrogaunce ys certeynly [folio 21b]
Beholdë bettyr þan ys wrþy;
Line 3120
To sey a þyng þou shuldest haue do
Þat þou neuer myghtyst come þer-to.
A vylë synne men haunte alle now,
Of pryde hyt comþ,—lestneþ [lestenyþ.] how,—
Þat none can preyse hym self by [be.] name
But he wyþ euyl anouþer blame;
Þys cumþ of grete enuye
Line 3127
And pryde of herte and felonnye.
Ȝyf þou skornedyst euer any man,
Or ȝaue cunseyl þat scorne began,
hyt ys a pryde, and wykked þyng,
