Are ful of pryde and trechery.
Line 3064
Be a man uncouth or couthe,
And he haue laghyng wurdys yn mouþe,
y warne þe wel þat oþer whyle,
Swych a man ys ful of gyle.
Line 3068
Ȝyf þou euer bare þe hyghly
yn ouerdo pryde for þy bayly,
Bere þe lowe; men se al day,
Þy bayly shal nat laste alway;
Line 3072
Now þou, and syþen y, [[6 syll.]]
So shal go, oure bayly. [[6 syll.]]
Ȝyf þou be prout of þy cunnyng,
Þat þou hast lerned mochë þyng,
Line 3076
As sum man ys, þat ys scolere,
wenyþ þat none ys to hym pere,
He wenyþ weyl þat he kan
To be mayster, and ouer-man,
Line 3080
And when þe endë ys al shewyd, [folio 21a:2]
Þan ys he almost al lewyd.
Ȝyf þou delyte þe oftyn stoundes,
yn horsys, [horsys O, hors H.] haukys, or yn houndes;
Ȝyf þou clerk auaunsed be,
Line 3085
Swyche game ys nat graunted to þe.
To emperorus [emperours.] and to kyngys
ys graunted swych [sweche.] pleyyngys;
Line 3088
Erlës, barons, also y graunte,
And knyȝtës, þey mow hyt haunte
Þat þey ne be tempted of ouþer synne,
For ydulnesse þat þey ben [are.] ynne;
Line 3092
And ȝyt y rede, þey haunte hyt so,
Aȝens god þat þey nat mysdo.
Ȝyf þou art wel wyþ þe kyng,
Or with anoþer lordyng,
Line 3096
Bere þe nat ouer prout þerfore
To þy perys out of skore;
For men se hyt yn a þrowe,
