Ouer al [Of alle.] folyys hyt ys þe floure,
For þy godenesse to haue wurldys honoure.
Ȝyf þou for prydë art outrage
þat þou are [art.] come of hygh lynage,
Line 3032
Beþenke þe weyl fro when [whenne.] þou cam;
Allë we were of Adam:
Ȝyf þou be comë of hygh blode,
And þou dost [doust.] more euyl þan gode,
Line 3036
Vnwrþyly art þou made gentyl
Ȝyf þou yn wurdys and dedys be yl.
Ȝyf þou be prout [proud.] þat þou art wys
And for þy cunseyl art holde yn prys,
Line 3040
Or yn þyn queyntë wurdys hast pryde,
wys yn wrong, euyl shal betyde.
Ȝyf þou be proute [proud.] of þy bewte, [folio 21a]
No shoch [swych.] kote to þe shulde be,
Line 3044
Þat feyrhede ne shal long with þe wende;
Swych pryde endyþ foule at þe last ende.
Ȝyf þou for strenkþë be mysproute,
And hast bostful wrdys and loude;
Line 3048
Do no-body þarfore despyte ne skaþe
Swychë men go to shame ful raþe. [sone]
Ȝyf þou be prout [proud.] of þy rychesse
Þogh hyt come neuer wyþ no falsnesse,
Hyt may passe þe more lyghtly,
Line 3053
And þe sunner, þat þou beryst þe hyy.
Ȝyf þou be prout [proud.] of þy song,
Seldë lasteþ þat vertu long;
Line 3056
Synger haþ hertë prout [proud.] with-ynne,
And tycyþ many on to synne;
Ful selde ys synger gode yn thew,
But þat yn sum poynt he ys a shrew.
Line 3060
yn feyrë wurdys, and yn qeynte,
wyþ prydë are swych men ateynte;
Flourshed wurdys, and oþerwhyle louely,
