Þurgh alle þe worlde, ouer alle she ran,
And haþ here [haþ O, om. H.] gete many wonynges,
Specyally wyþ grete lordynges,
Line 2996
And with ouþer many ynowe;
For where [þer.] she ys, he wylle nat bowe,
She wyl be mayster ouer hem alle;
And alle at onys she makeþ hem falle.
Line 3000
Þe fadyr of pryde þat fyrst here [here O, hem H.] knew
To hellë pyt she down hym threw;
And alle þat are of here coueyn, [couyne, glossed 'cumpany.']
Alle she bryngeþ [brynþ.] to hellë peyn.
Line 3004
Þarfor y wylle warnë ȝow [folio 20b:2]
whare-yn she makeþ ȝow synne, and how,
Þat ȝe mowe parceyue vmwhyle
Yn what þyng she doþ ȝow gyle.
Line 3008
Þys ys þe fyrst þat y fynde
Vnbuxumnesse aȝens þy kynde; [fadyr & [[O. or]] modyr,]
And he þat ys vnbuxum al
Aȝens hys fadyr spiritual, [spyrytual.]
Line 3012
And setteþ hym ryȝt at þe leste,
And seyþ 'prut for þy cursyng, prest!'
Or ȝyf ȝou speke [spekst.] foule wrdys or [and.] rowe,
And to þy souereyn wylt þat bowe,
Line 3016
Ȝyf þy prout wurdys make hym wroth,
Be þou neuer so lefe no loth,
Þou synnest þer gretly [gretly þer.] yn pryde,
Man or [oþer.] womman, wheþer hyt betyde.
Ȝyf þou, oþer man or wyfe,
Line 3021
were preysed for þyn holy lyfe;
Or ȝyf þou wuldest men seyde of þe
þat þou dedyst grete charyte,
Line 3024
And þat þou were boþe meke and chaste,
And wuldest speke no wurdës waste;
Ȝyf þou wuldest men seyd þys,
Þou synnest yn pryde, y sey, ywys.
Line 3028
