Þogh þou lygge neuer here by.
By foly wurdys mow men a fole kenne; [O. gloss 'knowe.']
Þurgh blast of mouþe þe fyre wyl brenne.
Ȝyf þou euer dedyst þy myght [folio 20b]
Line 2969
A womman to tylle with foly syght,
As men hauntë now alle day,
To hauë glysyng yȝen and gay,
Line 2972
A weddyd wyfe y þe forbede,
For, þat ys most for to drede.
Also, ȝyf þou dedyst [dest euer.] letter sende
To weddyd wyfe, or wrote or kende;
Or ȝyf þou [O. inserts 'euer.'] letter bare,
Line 2977
And þou were þerof weyl ware,
Þogh hyt were ouþer mennys synne
Ȝyt art þou partáble þer-ynne.
Line 2980
Þys comaundment þat ys þe tenþe,
wylle y no lenger drawe or [on.] lengþe;
For yn þe syxtë þer y spake, [[p. 58-73]]
y touched of þys ychë lake.
Line 2984
Now of þys ten wylle we lete,
And speke of ouþer synnys grete; [O. adds 'Þat ys to seyë, of þe seuene, How þey forbarre þe blys of heuene.']
God graunte vs gracë so to sey
Of trouþe to shewë þe ryȝt weye.
Line 2988
Here bygynneþ þe seuene dedly synnes. [O. has 'Here begynne þe s. d. synnys.']
[The Seven Deadly Sins;—and first of Pride.]
Now of þe seuene wyl we telle,
þat ben þe dedly doghters of helle.
Þe eldyst, men kallë pryde;
She was þe fyrst þat walkyd wyde
Line 2992
Yn euery land, to euery man,
