[The Ninth Commandment.]
The nynþe comaundment yn oure tellyng
Ys "coueyt nat [noght.] þy neghbours þyng,"
For to reue hyt hym wykkedly
Line 2905
with wrong pleys or ouþer maystry,
No with glosyng, no with queyntyse,
No wyþ destressë, on noun wyse,
Line 2908
No wyþ wykked procurement,
To make hym lese hys tenement.
And for hyt haþ þe same assyse
Þat longeþ vn-to coueytyse,
Line 2912
y wyl now ouer-lepe hyt here,
And aftyrwarde ȝe mowe hyt lere
whan y speke of þe dedly synne
Of coueytyse, hyt ys þer-ynne;
Line 2916
For hyt ys one of þe seuene,
Among hem y wyl hyt neuene;
And of hys spycys telle ȝow neyde,
As holy man [men.] haue wryten [wrete.] and seyde.
Of þys nynþe wyl y endë now,
Line 2921
And of þe tenþë speke [telle.] to ȝow.
[The Tenth Commandment.]
The tenþe comaundment ys, "by þy lyfe
Coueytë nat þy neghburs wyfe."
Line 2924
And þys ys now a comun synne
Þat many onë fallyn ynne,
For almost hyt ys euery-whore
A gentyl man haþ a wyfe and a hore; [[All future various readings are from O.]]
