Hyt telleþ þat Eroud [he telliþ þat herodis D.] swore [A tale]
To here þat tumbled [sayled D.] yn þe flore,
Line 2820
Þat what-aseuer [qwat D.] she wuld aske to mede,
he wuld [schulde D.] fulfyl hyt here [here O, hire D, om. H.] yn dede;
halfe hys kyngdom, ȝyf she wuld craue,
haluyndele [Hauyndele O, halfuendel (om. hyt) D.] she shuld hyt haue.
Line 2824
Eueyl he vowed, [þer he a vowed D.] and swore hys oth,
Þer-for with hym ys now god wroth.
For ouþer mede wuld she haue none,
But þe hede of swete seynt Ion;
Line 2828
Here modyr bade here askë þys,
Þe hede of seynt Ion [Ioon O, Ioh D.] yn a dyssh.
Folylyche, certeyn, Eroud [herodis he (om. certeyn) D.] swore,
And yn dede weyl [þe D.] werse he fore. [dede]
Line 2832
But ȝyf she hade asked Eroudes ye,
Troust þou he wuld nat a [trust þerto he schulde haue D.] made a lye?
Y trowe he wulde haue be forswore [ha be forsworn D.]
Ar he hade hys ye forlore. [or . . yȝe lorn D.]
Line 2836
So had hym better, [be better O, were he b. D.] for hys prowe,
For to haue broke þat ychë [brokyn hys D.] vowe,
And with-oute mede haue late here [a letyn hir D.] go,
Þan for hys [þat D.] vowe a man do [do O, to D.] slo.
Line 2840
Ȝyt may y preue hyt by [prouyn it be D.] ouþer sawe
Þat wryte [wreten D.] ys yn þe oldë lawe;
Yn þe gest of syre Ieptë,
Yn þe byble men mow hyt se.
Line 2844
