(83)
¶ And hou he was to þe Emperoure
ysent, to be Man of valoure
And lernen chiualrie,
Line 987
Of huntyng, & of Ryuere,
Of chesse pleieyng & of tablere:
Al nas worþ a flye;
Line 990
Leuer hym was to conne good,
And seruen god wiþ mylde mood,
and his moder Marie:
Line 993
And hou he ȝede seuentene ȝer
In pilerinage fer & ner
wiþ mychel maladye;
Line 996
(84)
¶ And oþer ȝeres seuentene
wiþ his fader he had ybene,
his bedeman by þe wowe,
Line 999
þat fader ne moder ne his wijf
wisten of his holy lijf,
Ne þat he was hire owe;
Line 1002
And hou his fader sergeauntz alle,
veyn glorie gonne hym calle,
And gorre on hym gonne þrowe;
Line 1005
And hou he þe book ywriten hadde:
Of al his lijf, þere he it radde
To þe poeple heiȝe & lowe.
Line 1008
