wiþ Eufeniens þai wenten riȝth
fforto fecchen goddes kniȝth,
þat was so good of fe.
Line 909
Ac eufeniens was swiþe liȝth,
And went bifore his hous to diȝth
wiþ gret solempnite
Line 912
(77)
¶ Eufeniens, whan he hom cam,
Al his meignee he vndernam,
ȝif þat þai euere ysowe
Line 915
Any Man þat so holy were
As þe Aungel tolde of ere,
Of his meignee to knowe.
Line 918
Alexius wardeyn com þan,
And seide, 'sir, it is ȝoure bede|man,
þat lijþ ded by þe wowe;
Line 921
He þat þou hast so longe yfed,
wiþ mete & drynk, clooþ &. bed,
He bare hym euer lowe.
Line 924
(78)
¶ 'I trowe wel it may so be,
whom so ȝee seche, þat it is he,
ffor he was good of lijf;
Line 927
His bedes he bad as a frere,
Ne wolde he nouȝth, while he was here,
Louen fiȝth ne strijf;
Line 930
A book in his honde he halt
Swiþe fast, & narewe yfalt,
who þat it couþe descryue;
Line 933
I ne woot what he þereinne wrouȝth;
þe parchemyn I hym bouȝth,
Gon fourty dayes & fyue.'
Line 936
