(74)
¶ þe holy pope Innocent
And þe Emperoures swiþe went,
Sire Eufeniens to calle,
Line 879
And chalenged hym in þis manere,
Eufeniens & his wijf yfere,
Riȝth amonge hem alle;
Line 882
'In þine house is, þat is so meke,
Goddes man þat we seke;
Hou may þis cas bifalle?
Line 885
we haue ysouȝth hym fer & wyde,
Hou darstou goddes sergeaunt hyde
In boure oiþer in halle?'
Line 888
(75)
¶ Eufeniens ansuered sone,
As he auȝtte forto done,
To þe pope Innocent,
Line 891
And seide, þeiȝ he shulde deye,
Of swiche a Man couþe he nouȝth seye,
By god omnipotent [[MS. omnipototent]] ;
'ffor swiche a Man ȝif I knewe,
ffayn I wolde hym to ȝou shewe
Treuly wiþ god entent.'
Line 897
þan seiden þe Cardinales twelue,
'God ȝeue þat it were þi-selue
Byfore vs in present.'
Line 900
(76)
¶ In þat tyme tweie emperoures
Of Rome kepten þe honoures
wiþ her cristen menee;
Line 903
þat on hete Archadius,
And þat oþere Honorius;
þai weren hende & fre.
Line 906
