(52)
¶ And þere he dwelled forsoþe apliȝth
þre dayes fulle & þre niȝth,
ffor Ionas was vntrewe;
Line 615
And at þe þre dayes ende,
Swiche grace god gan sende,
þe Cee to londe hym þrewe.
Line 618
whan þe whal was comen to londe,
þerto was many mannes honde
On hym forto hewe;
Line 621
And whan þe whal was to-cleued,
Ionas pylte vp his heued,
And gan his body shewe.
Line 624
(53)
¶ vp he roos, þe folk to teche,
And goddes wordes he gan preche,
And lered hem her lefnesse,
Line 627
And made hem wynne goddes loue,
To wonen wiþ hym in heuene aboue,
þe poeple more and lesse.
Line 630
¶ Riȝth so Alexius had yment
To Tars forto haue ywent;
Ac god hym sent destresse,
Line 633
And made hym to Rome wende,
To wonen þere among his frende,
holy wryt bereþ witnesse.
Line 636
