(19)
¶ þat maiden herkned swiþe stille,
And whan he seide had al his wille
þe holy gost hir lauȝtte,
And she hym graunted wiþ mylde mood
To louen Iesu þat dyed [on] rood,
As he hym-self hir tauȝtte.
Line 222
Alexius was þoo glad & bliþe,
his ioye couþe he noman kiþe;
his spouse a ryng he rauȝtte,
Line 225
And seide to hir, 'my suete þing,
Take to þee þis ilk ryng,
And kepe it in þine auȝtte.
Line 228
(20)
¶ 'Of me whan þou wilt haue mynde
Loke here-on, as þou art hende,
Boþe by day & niȝth.
Line 231
In pilerynage now wil I go,
And half þe godenesse þat I do
Graunte þee god almiȝth.'
Line 234
