And whan Alixius herd þat word
It pricked his hert as speres oord,
So sore it gan hym rewe;
Line 201
Bot his fader wraþþi he nolde,
He had leuer be vnder molde,
þat neuer man hym knewe.
Line 204
(18)
¶ whan þe folk was went away,
And he al-one in chaumbre lay,
Alexius gan to preche;
Line 207
Of Iesu he bigan his game,
werldes likyng he gan blame,
his ȝonge wijf to teche.
Line 210
He tauȝtte hir, þat was so hende,
Hou she shulde haue god to frende
þat is oure soules leche;
Line 213
ȝif she wolde alle her lijf
Duelle boþe maiden & wijf,
þe fende she miȝth do wreche.
Line 216
