¶ þe childes fader fel in elde,
& his moder godes helde
ȝeres hadde fele.
Line 93
he wold his sone shold wiue,
To glade hem in her liue,
& haue werldes wele.
Line 96
þei sought hem sone a mayde,
þat witty was, as al folk sayde,
comen of hy kinne.
Line 99
Womman she was of heu bright,
heo þouht on crist day & nyht,
& kepte hir fro sinne.
Line 102
þo þei wer to-gidere come,
þis maide & þis ȝong gom,
In godes lawe,
Line 105
þere was game & myche gleo,
Ac, for-soþe, tel I, þe,
eyled him no plawe.
Line 108
