(5)
¶ he forsook confort of al his kynde,
Richesse he lete al bihynde,
To god al he hym took:
Line 51
Alexius is his name in storie,
writen of whom is made memorie
In many holy book.
Line 54
In Rome, þat was noble Cite,
woned a Man of grete pouste,
þat mychel mirþe a [[MS. of a]] wook;
Line 57
his lijf he lad worschiplich,
honoured he was of pouere & riche
þat on hym gan look.
Line 60
(6)
¶ Eufeniens was his name;
Of godenesse was his fame
In þe Cite of Rome.
Line 63
þerfore þe riche Emperoure
Of þe Cite made hym Cenatoure.
ffor loos of his wisdome.
Line 66
