'Allas, he seyde, þat he was born!
boþe [[boþo MS.]] haue I nou for-lorn
Mi ioye & ek my blisse.'
Line 174
In þis tale wille we nat dwelle,
Bote of Alex wile we telle,
þat riche pore man.
Line 177
Alex was pouere mannes fere
ffulli seuentene ȝere,
fro þat he bi-gan,
Line 180
Syttynde in a churche-ȝerd
Amonges oþere men an herd
In a simple wede.
Line 183
An ymage in þat cherche stod,
Of his moder þat deyde on rood
ffor oure alþres nede.
Line 186
