clerkes huy onder-fenguen sone : þat þe Abite nome;
So þat euere mo and mo : freres þere bi-come.
SEint Domenic matte þo In a niȝt : þat seint petur him bi-tok
Line 104
Ane staf, ase he cam to him : and seint powel ane bok.
Þo porueide he in is ordre : ȝwane freres wenden ouer lond,
to bere ane bok at heore rugges : and ane staf in heore hond.
Sethþe him þouȝte a-slepe al-so : þat he saiȝ þe freres go
Line 108
þoruȝ þe londe, two and two : and to-gadere non mo.
In-to Tolouse he wende þo : and bi-lefte him-sulf þere,
And sone [V. summe] he sente is freres a-boute : þat huy de-partet were;
In-to spaynne he sente some : and to paris al-so,
And þat þridde Couent to boloygne : heore ordre forth to do;
he het heom wende to and two : and prechi in þat lond,
At heore rugge bere ane bok : and ane staf in hore hond.
¶ A wonder sweuene seint Domenic : In his slep i-seiȝ:
Line 116
Ore louerd him wrathþede swiþe : op in þe eyr an heiȝ,
þreo launcene he heold in is hond : þe poynt toward þe grounde,
Riȝt ase he wolde al þene world : þoruȝ smyte In one stounde;
So ferelich he was to bi-holde : þat it nas non ende.
Line 120
þo cam ore leuedi liȝte a-doun : þat is so milde and hende;
"A, mi sone," heo seide, "ȝwat þenest þou? : mcrci and þin ore!"
"I-nelle," seide ore louerd : "þis sunne : þolie more." [folio 125b]
he seide, "al þis world is ful of sunne : and ful ȝare hath i-beo,
Line 124
And þare-fore i-chulle al þene world a-sle : with þeose launces þreo."
Ore leuedi heold up hire hondene : and sat a-doun a-kneo,
And seide, "leoue sone, nouþe þin ore! : þov most þe bet bi-seo,
þou most þine wratþe mienge : with milce and with ore,
Line 128
And þenche þat þou most milsful beo : And þat þou bouȝtest man ful sore."
"Moder," seide ore louerd þo : "hov miȝte ich don þi lore?
Ne sixtþou hou men me mis-doth : þat I-ne mai hit þolie more?"
"Leoue sone," ore lauedi seide : "a-bijd ȝeot one stounde:
Line 132
Ich habbe ane guode Caumpiun : to þine bi-hofþe i-founde,
þat schal muche del of þat folk : onder þine wille do;
And anne felawe i-chulle him bi-take : þat schal helpe him þer-to."
