The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.

                                
                                  So þat heo comen to a swyþe gret watur : deop and brod i-novȝ;
                                
                                  A strong mist, þat foule stonk : op of þis watere drovȝ
                                  Line 406 
                                
                                  Of brumston and of oþur wo— : so strong stunch neuere he ne seiȝ,
                                
                                  Þat mid al þe pine of þe world : onneþe he stod þere-neiȝ.
                                  Line 408 
                                
                                  A brugge þare was ouer þat watur : smallere ne miȝte non beo;
                                
                                  Þe smoke was so þicke al-a-boute : þat onneþe he miȝte [it] i-seo.
                                
                                  þo seiden þe sorie fendes : "we seggez þe i-wis
                                
                                  Þat onder þis deope watere : þe put of helle so is.
                                  Line 412 
                                
                                  And þat þov schalt sone i-wite : for þov schalt sone a-non
                                
                                  ouer þis watur, þat is so deop : opon þis brugge gon,
                                
                                  And we schullen þe sende swuch a wynd : þat schal þe amidde caste,
                                
                                  And ore felawes þat beoth bi-neothe : schullen þe nime wel faste
                                
                                  And drawe þe doun forth with hem : Into helle grounde a-non.
                                
                                  Cum novþe forth and þouȝ schalt : op-on þis brugge gon."
                                  Line 418 
                                
                                  heo nomen þis seli kniȝt : and op-on þis brugge drowe,
                                
                                  And maden him go þere, is on-þonkes : with wrechhedes i-nowe.
                                  Line 420 
                                
                                  Þreo þingus vuele i-nowe : on þis brugge were:
                                
                                  Þat on was, for heo was so heiȝ : þat no gost ne [al. vnneþe me]  miȝte for fere
                                
                                  Þare-oppe gon and so deope a-doun : habbe so grisliche siȝte;
                                
                                  Þat oþur was, for heo was so narovȝ : þat onneþe ani-þing [al. me]  miȝte
                                  Line 424 
                                
                                  Þare-oppe sette ani fot : þat he ne fulle a-doun a-non; [folio 101b] 
                                
                                  Þe þridde, þat heo was so slider : þat man ne miȝte þare-oppe gon
                                
                                  bote he slide and felle a-doun : so sleiȝ man neuere nere.
                                
                                  Þeos þreo þinges þesne selie kniȝt : brouȝten in grete fere,
                                  Line 428 
                                
                                  For heo was narovȝ, and slider, and heiȝ : þat he ne scholde him so bi-telle,
                                
                                  Ȝif þat he glufte [al. glide]  in ani half : þat he ne fulle in-to helle.
                                
                                  ¶ Þare-oppe he was with strencþe i-brouȝt : and þare-oppe i-maket to gon.
                                
                                  So gret drede, ase him þouȝte : ne hadde he neuer er non.
                                  Line 432 
                                
                                  Ake sone he þouȝte on ihesu crist : þat so ofte him sauede er,
                                
                                  And cride on is holie name : þat he were is helpe þer.
                                
                                  he eode forth we[l] baldeliche : and þe innore þat he cam
                                
                                  Þe hardiore him þouȝte he was : and þe betere heorte to him he nam,
                                
                                  And þe braddore was is wei— : so longe forth he eode,
                                
                                  Þat it was so brod þat þere miȝte : a carte gon for neode,

                                  Line 438

About this Item

Title: The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.
Canvas: Page 212
Publication: London,: Pub. for the Early English text society by N. Trübner & co.,; 1887.
Subject terms: Christian saints

Technical Details

Collection: Corpus of Middle English Prose and Verse
Link to this Item: https://name.umdl.umich.edu/aha2708.0001.001
Link to this scan: https://quod.lib.umich.edu/c/cme/aha2708.0001.001/260:3.26

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:aha2708.0001.001

Cite this Item

Full citation: "The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann." In the digital collection Corpus of Middle English Prose and Verse. https://name.umdl.umich.edu/aha2708.0001.001. University of Michigan Library Digital Collections. Accessed June 24, 2025.

The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item