The kyng of kyngges toke good hede [ ],
Line 2423
To hym he callid Sygrem furth with all anon,
'What knyghte is yender,' quod he, 'canne ye me saye?
That in the feld outrayth euerychone;
Line 2426
So good a knyght as he me semyth non
In all the world, but on thyng I mervell,
My sonnys stede hath he, withoute fayle;
Line 2429
Where with trewly I am not wele apayed,
Line 2430
Notwithstondeng a nobyll knyght is he,
And that ye knowe right wele, Sygrem,' he sayd,
'Wherefore I wold he were dwellyng with me;
Line 2433
Of gold and siluer he shall haue plente,
Townys and castelys at his obyseaunce,
And other thinges moo to his plesaunce.'
Line 2436
'Ser,' quod Sygrem, 'trewly it will not be,
Line 2437
he is descendid of an high lenage,
And as fer [MS. for.] furth as I canne fele and see,
he waytith after right grete heritage,
Line 2440
ffor with the Sowdon he will take no wage,
And for to telle yow trouthe as in this case,
his trost is to haue fayre Clarionas.'
Line 2443
'Clarionas,' quod he, 'nay, lete be that;
Line 2444
I take hir for my owen, ser, be the rode,
Whether he will or noo, for wote ye what,
Vppon his body I will make it good:'
Line 2447
And whanne Sygrem these wordes vnderstode,
ffull sone he went to Generydes,
And told hym what he seid more or lesse.
Line 2450
Now kyng Belleyn secheith Generydes
Line 2451
Thorough the ost, to fynde hym if he maye,
And as he rode a side hand of the prece,
