'How shall I doo,' thanne seid Generydes,
Line 2297
'Of Amelok to haue sum knowlachyng?
ffor hym that I may knowe among the preese,
But if I haue sum redy tokyni[n]g.'
Line 2300
'I shall yow telle,' quod he, 'withoute feyneng,
his stede is gray withoute layen,
The hede is whight, to say yow for certayn.
Line 2303
For more knowelage to telle yow which is he,
Line 2304
his harmes are, who so list to be holde,
The felde of Goulys in very certeynte, [folio 12b]
Ther with also iij bandes all of gold.'
Line 2307
And whanne that he Generydes had told
Of Amelok, and hough he shuld hym fynde,
Wete ye wele he was the gladder in hys mynde.
Line 2310
Furth on his stede rideth Generydes,
Line 2311
To fynd ser Amelok if that he may,
With hym rideth Sygrem still opeese,
And as they twayne rode spekyng be the waye,
Line 2314
Segrem was ware wher in a valay
Ser Amelok came on rideng A pace,
hym for to rest as for a litill space:
Line 2317
'Loo yender is ser Amelok,' he seid,
Line 2318
'And saving on with hym ther is no moo.'
And with that word Generydes abrayde,
'Now is,' quod he, 'good tyme for me to goo;'
Line 2321
So furth he ridith till that he came hym too:
The toder sawe hym come with spere and sheld,
And furth he gothe and mette hym in the feld.
Line 2324
And atte first he stroke Generydes,
Line 2325
And with that stroke he brast his sheld in twayn,
Anone with all he quyte hym dowteles,
