Thanne Anasore was chargid for to goo
Line 1856
Vnto the chaunbyr of fayre Clarionas,
To bryng her furth the Sowdon bad hym soo,
That euery man myght see withynne the place,
Line 1859
hough wele she stode with hym in euery case:
And whanne she came befoore hym, for certayn,
The Sowdon toke hir in his armys twayn.
Line 1862
'Doughter,' he seid, 'for yow I am to blame,
Line 1863
ffull wrongfully to me ye were accusid,
And not gilty I will recorde the same,
To say the soth it may not be refusid;
Line 1866
So hold I yow all vtterly excusid
In euery thing [MS. think.] ; and here, or where ye be,
Att All tymes right wele come on to me.'
Line 1869
Clarionas was fayn whanne this was doo,
Line 1870
Of hym she toke hir leve full curtesly;
Thanne was Generydes full glad also,
Be cause hir pece was made so trewly:
Line 1873
And as she went he cast on hir his Iee,
So as he durst, to saue hym self fro blame,
And she ayenward Aquyte hym with the same.
Line 1876
Thanne was ther sone Assigned knyghtez twayn
Line 1877
To bryng hir to hir chaumber furth with All,
And on the morow the Sowdon for certayn
With his lordes he come in to the hall,
Line 1880
And ther anone [among] his knyghtez all,
And, soth to say, the first of eny man
Generides the order ther beganne.
Line 1883
The lordes toke ther leve on be on,
Line 1884
To make them redy atte ther owyn devise;
The ffelischepe departid euerychon
