That I wold fayn on hym haue ben wreke;
Line 1824
With your licence his purpose shall I breke,
And if I may your pleasure vnderstonde,
With that prowde kyng I will fight hand be hand.
Line 1827
He shall not do your doughter dishonour,
Line 1828
As long as god will send me lyff and space; [folio 10a]
Nor of his pride shall neuer come that our
That ye shall paye trebute, be goddis grace,
Line 1831
This land shall neuer stande in suche case;
And if ye geve me leve, withoute fayle
ffor all his strength I will hym onys assayle.'
Line 1834
Whanne the Sowdon had hard hym sey so will,
Line 1835
'Generydes,' quod he, 'I geue yow grace,
All myn evill will I for geve euery deele,
And ye to stonde in soo good a case
Line 1838
As euer ye dede withynne eny place;
ffor now I know that ye, in euery wise,
haue contynued full trew in your seruice.
Line 1841
And ferthermore, withoute more dalay,
Line 1842
To morow suerly I will make yow a knyght;
And for your sake an hundred more that day
Ther shall be made, and then with goddes myght
Line 1845
I shall purvay as for the landes right,
It to defende, and that it may be clere
ffrom all seruage and clene owt of daunger.'
Line 1848
Thanne was his thought vppon Clarionas,
Line 1849
Sithe he hir saughe hym thought passing long;
That she myght stonde in his favour and grace [MS. his grace.]
like as she dede, for he had don hir wrong;
Line 1852
And that he cowde remembre euer among:
Wherefore he thought hir to recompence,
he sendith for hir to come to his presence.
Line 1855
